"Platzkonzert" von Siegfried Baumann
Freitag – fünfe Nachmittag,
a Wetta, grad so wia mas mag,
und Temp’ratur, so wias sis ghert,
da gema „z’Bruck“ – in’s Platzkonzert.
Wer spüt den? – mei a so a Glück,
die „Timelkamer Marktmusik“,
die spün so flott und wunderbar
und singan wia da Fischerchor.
Ja und d’Solisten – s’is a Freud,
begeistert san glei alle Leut.
Ja s’Puplikum, schau i in d’Rund’n,
i hab net recht vü ‘Brucka gfund’n,
do Timelkamer san fei gnua,
ja eana Fanclub hert gern zua...
Nach oana Stund, da is dann aus,
ja supa wars, a morts Applaus
und next Woch‘ kemma wieda zaum,
da spün „d‘Kamelos“- aus Timelkam.
Danke an Siegfried für dieses tolle Gedicht!
